Is daar iets soos ware geluk?  My antwoord is ja.  Ek het deur die jare geleer dat daar ‘n groot verskil tussen joy en happiness is.  Happiness is hierdie klein oomblikke van opgewondenheid soos ‘n persent oopmaak of wanneer ek ‘n like op my Facebook post kry.  Joy is contentment. ‘n Tevredenheid wat ek ervaar ten spyte van die omstandighede om my. Dit is wanneer jy weet wie jy is en hoekom jy op hierdie aarde is. Jy fokus op jou doel in plaas van jou doelwitte.  Jou wortelstelsel is reg gevestig. 

Die mensdom jaag ongelukkig happiness na.  Hierdie vlugtige oomblikke wat nie blywend is nie.  Dit raak naderhand hierdie konstante soeke na … daai iets. Amper soos ‘n skoenlapper wat jy jaag.  Nes jy dink jy het die vliëende dingetjie in jou hand dan wapper dit weer verder. Weet jy waarvan praat ek?  Voel jy so? Dit is dan wanneer verslawings soos shopping, ooreet en dobbel in die prentjie instap om daardie donker gat te vul.

Ek wil vandag vir jou goeie nuus gee.  Joy is beskikbaar.  Hoor hierdie mooi quote deur Anoniem: ‘If you spend your time chasing butterflies, they’ll fly away.  But if you spend your time making a beautiful garden, the butterflies will come. Don’t chase, attract.’ Die geheim is dus om effort in my gees en siel te sit sodat die vrug van joy kan groei. My fokus verskuif dan van ‘wat kan ek kry’ na ‘wat kan ek gee’.  Ek het vir soveel jare geleef vir partytjies, projekte en van een exciting ding tot die volgende tot ons finansiële put uitgedroog het en die realiteit my tussen die oë tref dat ek my geluk aan geld gekoppel het.  Ek sê nie geld kan nie geluk koop nie, want ek het vir seker al geluk gekoop! Die probleem was dat ek net geluk en vrede kon ervaar wanneer ek geld het.

So hóé kry ek joy hoor ek jou dink?  Ek baklei vir dit.  Ek hou op scroll en ek bel ‘n vriendin.  Ek los die soetgoed en ek gaan stap en asem die lug in.  Ek hou op kla en ek skryf als neer waarvoor ek dankbaar is. In plaas van opgaar gee ek weg.  Ek raak betrokke by organisasies – diere, kinders, bejaardes.  Die nood is baie groot.  Joy is hierdie agterstevoor-onder-stebo sisteem. 

Ek gee om te ontvang, ek saai om te maai, ek maak leeg om vol te raak.  Ek spreek lewe, liefde en lig. Joy is ‘n stel partykeer moeilike maar regte keuses met ‘n compounding effek, maar jy leef naderhand net van die rente.

Groetnis!

Mirka